ღ منتدى ملكات للبنات فقطღ
أهلا بيكـِ يا مبدعة ... أخباركـ ايه ؟؟
هنفرح أوووى لو انضميتى لينا وبقيتى صديقة للمنتدى

تحياتنا :
الإدارة
العضوات


 
الرئيسيةس .و .جبحـثالتسجيلدخول

شاطر | 
 

 كلية الطب ( أدخل لتعرف كل شيء عنهاا )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
راجيـہ الفردوسـﮯ
♥ المديرهـ العامهـ ♥
♥ المديرهـ العامهـ ♥
avatar

الاوسمة التكريمية :

من أجمل بنوتة فى الدنيا (( Golden Dream ))

شكرا يا قمر
دولتى : مصر
انثى مشاركاتى : 2037
نقاط : 7044
تاريخ انضمامى : 15/07/2011
عمرى : 20
موقعى & بلدى : مصر
مزاجى : بحبكم كلكم

مُساهمةموضوع: كلية الطب ( أدخل لتعرف كل شيء عنهاا )   الخميس مارس 01, 2012 11:46 pm

بسم الله الرحمن الرحيم
اولا انا عايز اكلمكم عن كل كليه

كلية الطب

ياااااااااه ، أول ما مسكت الورق و القلم ، افتكرت أول يوم حطيت رجلي فيه في الكلية دي ، كان لسه بدري على الدراسة ،

و كنت رايح اسئل على موعد الكشف الطبي

يومها كانت أول كلمة اسمعها : " يا بني ،، أحسن لك حول "

قالها لي مجموعة من الطلاب القدام في الكلية دي

عمري ما هنسى الكلمة دي

و أكتر وقت افتكرنها فيه و أنا في سنة سادسة

قبل ما أقول لكم انطباعي عن الكلية ، عايز أقول لكم كلمة الأول

أنتم يا للي داخلين الموضوع ده علشان تعرفوا تدخلوا طب أو لأ

أنتم وحوش مذاكرة ، أسود في الدراسة ، اللي عملتوه في الثانوية العامة إنجاز رائع ، و إن دل على شيء ، يدل على إن

مافيش حاجة صعبة عليكم إنجازها ، انتم أساتذة و رؤساء أقسام التفوق الدراسي في مصر ، و بالتالي

مش عايز كلمة " كلية سهلة ، و كلية صعبة " يكون لها أي تأثير على اختياراتكم

يللا بينا ندخل في الموضوع

بص يا سيدي ، و انتي يا ستي

كلية الطب هي كلية النفس الطويل

علشان تكون حد ناجح في الكلية دي ، مش محتاج تذاكر بقوة أكتر من الثانوية العامة ، مش محتاج ترفع مستواك التحصيلي

، هو مرتفع أصلاً ، محتاج بس الصبر ، هي دي نقطة الموضوع على رأي الليمبي ( و على فكرة ، في أي حاجة في الحياة

علشان تكون ناجح محتاج جداً الصبر )

الصبر

النفس الطويل


و بنفس المجهود بتاع الثانوية العامة ، هتكون من الأوائل إن شاء الله

أما انطباعي الشخصي عن مهنة الطب نفسها ،،

فهي مهنة رائعة ، بتحقق لصاحبها نوع من السعادة و الرضا عن الذات ، مهنة مرموقة جداً لا شك ، غير مملة على الإطلاق

، دايماً بتحطك في تحديات و كل يوم فيه جديد ، بالإضافة إلى إن تنوع التخصصات بيخلي عندك مجال واسع لاختيار المهنة

اللي تناسب شخصيتك

يعني لو مش بتحب يكون فيه تعامل مباشر بينك و بين المريض ، تقدر تختار تخصصات زي التحاليل و الأشعة . و لو بتحب

المغامرة و المخاطرة ، تقدر تختار جراحة . و لو بتحب العمل الهادي اللي فيه تفكير و مشكلات و حلولها ، تقدر تختار باطنة .

وهكذا .

كل اللي بتحتاجه مهنة الطب ، إنك تكون جريء و هادئ و واثق من نفسك و عندك قدرة كويسة على التواصل مع الآخرين ،

وكتير من الخاجات دي ممكن تكتسبها خلال فترة الدراسة

أما عن الجانب المادي لمهنة الطب ، أقدر اقول إن الطبيب لو مش عاش غني ، فعلى الأقل مش هيعيش فقير ، هيعيش

مستريح جداً ، بس هو المشوار طويل سنة .



نظام الكلية


الكلية عبارة عن 6 سنوات دراسية بالإضافة إلى سنة التدريب الإجباري ( سنة الامتياز )


التدريس في الكلية بيكون عن طريق المحاضرات و السكاشن

المحاضرات مش مهمة أوي ، أما السكاشن بتكون مهمة

المحاضرات ممكن تستغنى عنها عن طريق إنك تاخد درس ، أو تسمع سيديهات بتكون متسجلة من الدروس ، أو فيه بعض

المواد اللي ممكن تذاكرها لوحدك ، من غير لا محاضرات و لا دروس

كمان فيه محاضرات في بعض المواد – شبيهة بالدروس – لكن مجانية ، بيديها دكاترة شطار أوي ، أغلبهم كان بيدي دروس

و بّطل ،لكن أحياناً بتضطر إنك تاخد دروس في العملي ، لكنها في النهاية مش بتكون غالية أوي

الامتحانات في الكلية 3 أنواع : نظري و عملي و شفوي

مافيش نظام التيرم في كلية الطب


المواد ممتدة لآخر السنة ( شبه الثانوية العامة كده ، لكن تفرق عنها إن فيه أعمال سنة )

يعني بتمتحن المادة كلها في آخر السنة ، و بيكون فيه امتحانات أعمال سنة خلال السنة

في السنين الثلاثة الأولى :

بيكون فيه امتحان في منتصف العام الدراسي – شبيه بامتحان التيرم ، بتمتحن فيه اللي درسته في التيرم الأول ، لكنه

بيكون امتحان أعمال سنة و عليه 20% بس من إجمالي درجات السنة – و آخر السنة بتمتحن المادة كلها – اللي درسته في

التيرم الأول و اللي درسته في التيرم التاني - .

أما في السنين الثلاثة الأخيرة :

بتدرس المواد على هيئة دورات – مش نظام تيرم – ( يعني مثلاً بتدرس دورة أطفال و تمتحن في مادة الأطفال كلها امتحان

أعمال سنة بـ 20% ، و بعدها دورة نساء و توليد و تمتحن برضه في المادة كلها امتحان أعمال سنة ، و هكذا ) زي ما انتم

شايفين ، في آخر كل دورة فيه امتحان أعمال سنة ، و آخر السنة بتمتحن في المواد كلها اللي درستها خلال السنة .

مواد الدراسة :

المواد بالسنوات الثلاثة الأولى ، تسمى مواد أكاديمية

و المواد بالسنوات الثلاثة الأخيرة ، تسمى مواد إكلينيكية

في السنة الأولى : تشريح – كيمياء حيوية – علم الأنسجة ( هستولوجي ) – علم وظائف أعضاء الجسم ( فسيولوجي ) – لغة إنجليزية

في السنة الثانية : تشريح – كيمياء حيوية – علم الأنسجة ( هستولوجي ) – علم وظائف أعضاء الجسم ( فسيولوجي ) – لغة إنجليزية – علم نفس

في السنة الثالثة : علم الأمراض ( باثولوجي ) - علم الأدوية ( فارماكولوجي ) - علم البكتيريا و الفيروسات و المناعة ( ميكروبيولوجي ) - علم الطفيليات

في السنة الرابعة : أنف و أذن و حنجرة – طب و جراحة العيون – طب شرعي و سموم – طب مجتمع و صحة عامة

في السنة الخامسة : نساء و توليد – طب أطفال

في السنة السادسة : الأمراض الباطنية – الجراحة

جميع السنوات مدة الدراسة بها مثل أي سنة دراسية ، ما عدا السنة السادسة ، مدة الدراسة بها 16 شهر ، و سنة الامتياز ، مدة التدريب 12 شهر


مشكلة الدراسة باللغة الإنجليزية – بالنسبة لخريجي المدارس الحكومية الدارسة باللغة العربية – هتختفي بعد أول شهرين

في الدراسة ، و تقدر تتغلب عليها بسهولة لو اقتنيت قاموس إليكتروني

بعدها هتبقيى زيك زي أي خريج مدرسة لغات ، و مش هيفرق بينكم غير الجدية و الالتزام في المذاكرة



مستقبل الكلية

مستقبل خريجي كلية الطب يعتمد بشكل كبير على مجموعه التراكمي ( يعني مجموع درجاته خلال كل السنين في الكلية )

المجموع التراكمي هو اللي بيحدد المسار اللي هتمشي فيه بعد كده

نقدر نقسم خريجي الكلية إلى شرحيتين أساسيتين

الشريحة الأولى ، هي الشريحة اللي هتتعين في الكلية كأطباء مقيمين ( و دول بيوصل عددهم إلى 250 خريج )

الشريحة التانية ، هي الشريحة اللي مش هتتعين في الكلية ( و دول هما باقي الدفعة )

نمسك الشريحة الأولى :

الـ 250 الأوائل

بيتم اختيار الوظائف و التخصصات عن طريق تنسيق رغبات بيعتمد على المجموع التراكمي

الوظائف هي : طبيب مقيم بمستشفى القصر العيني ، و طبيب مقيم بمعهد الأورام ، و معيد بالأقسام الأكاديمية

ميزة التعيين بالكلية كطبيب مقيم

1- إنك هتتعلم المهنة كويس جداً و هتكون شاطر أوي ، دايماً بحب أقول ، بيتعلموا على إيد أساتذة الطب في مصر

2- الحصول على درجة الماجستير بيكون أسهل للأطباء المقيمين

3- نصف عددهم بيتم تعينه كمدرسين مساعدين حسب متطلبات الأقسام ، يعني كادر جامعة ، أما المعيدين بالأقسام

الأكاديمية ، بيتم تعينهم كلهم كمدرسين مساعدين

المجموعة اللي مش بتتعين كمدرسين مساعدين ، بينطلقوا بعد انتهاء مدة عملهم كأطباء مقيمين و اللي هي لحد دلوقتي 3 سنوات

لكن فرص عملهم في أماكن كتير قوية جداً

و في النهاية كل من عمل طبيب مقيم في كلية الطب ، بيكون مطلوب جداً في الشغل و المستشفيات الخاصة ، و الموضع

له تفصيلات شوية بس مش عايز أطول عليكم فيه ، المهم الناس دي مستقبلهم حلو أوي إن شاء الله

و طبعاً مش فرصة صعبة إنك تطلع من الـ 100 الأوائل أو الـ 200 الأوائل في كلية عددها 1600 طالب



فيه شريحة صغيرة كده بين الشريحة الأولى و الشريحة الثانية عددها لا يزيد عن 40 خريج :

بيقدموا في وزارة البحث العلمي : ( معهد الرمد ، و معهد تيدور بلهارس )

و دي برضه بتعين أطباء مقيمين ، و بعده بيحصلوا على كادر جامعي برضه و بيتعينوا مدرسين مساعدين
في المعاهد دي

أما الشريحة الثانية :

هي الشريحة اللي بيتم تكليفها في وزارة الصحة ( اللي هي عبارة عن باقي الدفعة )

التكليف بيكون عبارة عن سنتين ، للأسف لا يحق للطبيب فيهم بدأ دراسة الماجستير

بيعمل الطبيب المكلف كممارس عام في إحدى الوحدات الصحية حسب مجموعه و التوزيع الجغرافي

الأطباء المكلفين يمكنهم بعد فترة من التكليف – سنة مثلاً – أو بعد انتهاء التكليف إنهم يقدموا على حاجة اسمها ( نيابات

وزارة الصحة ) ، و بيتم قبولهم عن طريق تنسيق رغبات بيعتمد على المجموع التراكمي

( نيابات وزارة الصحة ) دي بتكون وظائف ، بيعمل فيها الطبيب كطبيب متخصص في أحد التخصصات بأحد المعاهد التعليمي

(القلب ، السكر ، الكبد ، التغذية ، ... إلخ ) أو المستشفيات العامة التابعة لوزارة الصحة ، يمكنه خلالها دراسة الماجستير

في التخصص اللي تخصصه

عدد النيابات مش بيكفي كل المكلفين ، و الأولوية لأصحاب المجاميع التراكمية الأعلى

بالطبع اللي بيكون لهم نيابات ، بيكون مستواهم أفضل

دي كانت المسارات الطبيعية


فيه مسارات أخرى :

زي مثلاً المعادلة البريطانية أو المعادلة الأمريكية : و هي عبارة عن معادلة البكالوريوس

المصري بالبكالوريوس البريطاني أو الأمريكي

دي بيذاكرها الخريج لوحده ، بيشتري الكتب بتاعتها ، و يذاكرها ، و يدفع رسوم الامتحان

رسوم امتحانها غالية ، تقريباً 800 دولار للمرحلة ، و هي مرحلتين

لو سقط فيها ، بتروح عليه الفلوس

لكن الشهادات دي ، اللي هي المعادلة ، لها قيمة عالية جداً ، و مطلوبين جداً في الشغل

و المستشفيات الخاصة

فيه كمان وظيفة اسمها ، طبيب زائر :

دا بيكون خريج مش من الـشريحة الأولى ، لكن نفسه يبقى طبيب مقيم ، بيقدم على وظيفة طبيب زائر ،

و بيقضى فترة الـ 3 سنوات في الكلية زي الطبيب المقيم ، لكن شرطها إنه يستقيل من أي عمل حكومي ،

و مش بيكون له راتب خلال الـ 3 سنوات من الكلية


في النهاية بس ، أنا عايز أقول إن اللي هيجتهد في الكلية ، إن شاء الله هيكون له مستقبل رائع جداً



و جزاكم الله خيراً












الرجوع الى أعلى الصفحة اذهب الى الأسفل
http://abdaa-anmi.only-girls.net
♥ نــــور الايـمـــــان ♥
♥ مديرة ♥
avatar

الاوسمة التكريمية :

دولتى : مصر
انثى مشاركاتى : 1541
نقاط : 6577
تاريخ انضمامى : 16/07/2011
عمرى : 16
موقعى & بلدى : مصر
مزاجى : تمام والحمد لله

مُساهمةموضوع: رد: كلية الطب ( أدخل لتعرف كل شيء عنهاا )   السبت مارس 03, 2012 9:58 am

شكرا ياسارة










الرجوع الى أعلى الصفحة اذهب الى الأسفل
راجيـہ الفردوسـﮯ
♥ المديرهـ العامهـ ♥
♥ المديرهـ العامهـ ♥
avatar

الاوسمة التكريمية :

من أجمل بنوتة فى الدنيا (( Golden Dream ))

شكرا يا قمر
دولتى : مصر
انثى مشاركاتى : 2037
نقاط : 7044
تاريخ انضمامى : 15/07/2011
عمرى : 20
موقعى & بلدى : مصر
مزاجى : بحبكم كلكم

مُساهمةموضوع: رد: كلية الطب ( أدخل لتعرف كل شيء عنهاا )   السبت مارس 03, 2012 10:59 am

عفوا قمرى
نورتــي












الرجوع الى أعلى الصفحة اذهب الى الأسفل
http://abdaa-anmi.only-girls.net
••.♥.No Name.♥.••
♥ طبيبة المملكة ♥
avatar

الاوسمة التكريمية :






دولتى : مصر
انثى مشاركاتى : 393
نقاط : 5053
تاريخ انضمامى : 02/09/2011
عمرى : 23
موقعى & بلدى : مصـــــــــــر
مزاجى : الحمد لله

مُساهمةموضوع: رد: كلية الطب ( أدخل لتعرف كل شيء عنهاا )   الثلاثاء مارس 06, 2012 9:34 pm

في النهاية بس ، أنا عايز أقول إن اللي هيجتهد في الكلية ، إن شاء الله هيكون له مستقبل رائع جداً



يااااااااااااااااا رب
ياااااااااااااااااااااااا رب
يااااااااااااااااااااااااااااا رب
وفقنى










إذآ أردت ان تعيشَ سَعيـــــــــــــــداَ:

فلآ تفسَر گـّ ̯͡ـڵ شِـٍﮯـَي ..

ولآ تدقق ب’ گـّ ̯͡ـڵ شِـٍﮯـَي ..

ۆلآ تـפـلل گـّ ̯͡ـڵ شِـٍﮯـَي ..

ف’ إنْ الذين פـُللوا الألمآسَ ..

ۆجدوھَ " فـפـماً "

فَقط تَوكٌل عَلى الله

الرجوع الى أعلى الصفحة اذهب الى الأسفل
راجيـہ الفردوسـﮯ
♥ المديرهـ العامهـ ♥
♥ المديرهـ العامهـ ♥
avatar

الاوسمة التكريمية :

من أجمل بنوتة فى الدنيا (( Golden Dream ))

شكرا يا قمر
دولتى : مصر
انثى مشاركاتى : 2037
نقاط : 7044
تاريخ انضمامى : 15/07/2011
عمرى : 20
موقعى & بلدى : مصر
مزاجى : بحبكم كلكم

مُساهمةموضوع: رد: كلية الطب ( أدخل لتعرف كل شيء عنهاا )   الخميس مارس 15, 2012 8:51 pm

يا رب يا حبيبتى

ربنا يوفقك واشوفك معيدة فى الكلية

ان شاء الله












الرجوع الى أعلى الصفحة اذهب الى الأسفل
http://abdaa-anmi.only-girls.net
••.♥.No Name.♥.••
♥ طبيبة المملكة ♥
avatar

الاوسمة التكريمية :






دولتى : مصر
انثى مشاركاتى : 393
نقاط : 5053
تاريخ انضمامى : 02/09/2011
عمرى : 23
موقعى & بلدى : مصـــــــــــر
مزاجى : الحمد لله

مُساهمةموضوع: رد: كلية الطب ( أدخل لتعرف كل شيء عنهاا )   الجمعة مارس 16, 2012 10:08 am

world's smile كتب:
يا رب يا حبيبتى

ربنا يوفقك واشوفك معيدة فى الكلية

ان شاء الله


اللهم آميـــــــــــن










إذآ أردت ان تعيشَ سَعيـــــــــــــــداَ:

فلآ تفسَر گـّ ̯͡ـڵ شِـٍﮯـَي ..

ولآ تدقق ب’ گـّ ̯͡ـڵ شِـٍﮯـَي ..

ۆلآ تـפـلل گـّ ̯͡ـڵ شِـٍﮯـَي ..

ف’ إنْ الذين פـُللوا الألمآسَ ..

ۆجدوھَ " فـפـماً "

فَقط تَوكٌل عَلى الله

الرجوع الى أعلى الصفحة اذهب الى الأسفل
marwa2
♥ طبيبة المملكة ♥
avatar

الاوسمة التكريمية :






دولتى : مصر
انثى مشاركاتى : 330
نقاط : 4532
تاريخ انضمامى : 17/03/2012
عمرى : 25
مزاجى : الحمدلله

مُساهمةموضوع: رد: كلية الطب ( أدخل لتعرف كل شيء عنهاا )   الثلاثاء مارس 20, 2012 3:03 pm

[ندعوك للتسجيل في المنتدى أو التعريف بنفسك لمعاينة هذا الرابط]










[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
راجيـہ الفردوسـﮯ
♥ المديرهـ العامهـ ♥
♥ المديرهـ العامهـ ♥
avatar

الاوسمة التكريمية :

من أجمل بنوتة فى الدنيا (( Golden Dream ))

شكرا يا قمر
دولتى : مصر
انثى مشاركاتى : 2037
نقاط : 7044
تاريخ انضمامى : 15/07/2011
عمرى : 20
موقعى & بلدى : مصر
مزاجى : بحبكم كلكم

مُساهمةموضوع: رد: كلية الطب ( أدخل لتعرف كل شيء عنهاا )   الثلاثاء مارس 20, 2012 4:22 pm

وجزاكى بمثله يا قمر












الرجوع الى أعلى الصفحة اذهب الى الأسفل
http://abdaa-anmi.only-girls.net
قطر الندى
♥ المشرفهـ العامهـ ♥
♥ المشرفهـ العامهـ ♥
avatar

الاوسمة التكريمية :
دولتى : مصر
انثى مشاركاتى : 66
نقاط : 4094
تاريخ انضمامى : 24/05/2012
عمرى : 20
موقعى & بلدى : جنوب سيناء
مزاجى : هايل

مُساهمةموضوع: رد: كلية الطب ( أدخل لتعرف كل شيء عنهاا )   الأحد مايو 27, 2012 6:18 pm

بالفعل سنجتهد ان شاء الله وبارك الله فيكى ياسوسو:D










<br>
الرجوع الى أعلى الصفحة اذهب الى الأسفل
راجيـہ الفردوسـﮯ
♥ المديرهـ العامهـ ♥
♥ المديرهـ العامهـ ♥
avatar

الاوسمة التكريمية :

من أجمل بنوتة فى الدنيا (( Golden Dream ))

شكرا يا قمر
دولتى : مصر
انثى مشاركاتى : 2037
نقاط : 7044
تاريخ انضمامى : 15/07/2011
عمرى : 20
موقعى & بلدى : مصر
مزاجى : بحبكم كلكم

مُساهمةموضوع: رد: كلية الطب ( أدخل لتعرف كل شيء عنهاا )   الأحد مايو 27, 2012 7:12 pm

وفيكى حياتى نووووورتينى












الرجوع الى أعلى الصفحة اذهب الى الأسفل
http://abdaa-anmi.only-girls.net
вαуαη .
♥ بنوتة جديدهـ ♥
♥ بنوتة جديدهـ ♥
avatar

دولتى : ليبيا
انثى مشاركاتى : 7
نقاط : 171
تاريخ انضمامى : 31/08/2017
عمرى : 16
موقعى & بلدى : ليبيا

مُساهمةموضوع: رد: كلية الطب ( أدخل لتعرف كل شيء عنهاا )   الخميس أغسطس 31, 2017 3:28 pm

السلام عليكم ورحمهه الله
كيفك شو اخبارك 
وااااو معلومات جميلهةة جدا ومفيده
شكرا الك استمري ،
في امان الله
الرجوع الى أعلى الصفحة اذهب الى الأسفل
 
كلية الطب ( أدخل لتعرف كل شيء عنهاا )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ღ منتدى ملكات للبنات فقطღ :: المنتدى الثقافى :: قسم التعليم ♡-
انتقل الى: